ФОТО Угостителите сами ги уриваат дивите платформи во Охрид

Угостителите кои имаат диви платформи на крајбрежјето на Охридско езеро почнаа денеска со нивно уривање откако ги добиле решенијата за извршување од Општината.

На сопствениците им беше даден рок од три дена по добивањето на решенијата да ги отстранат платформите во езерото, во спротивно тоа ќе го направи општината, а трошоците ќе треба да ги платат угостителите, пренесува „Охрид њуз“.

Активности се во тек во објектите Ноа, Ликвид, Далга, Кадмо, а на терен присутна е полиција и надлежен инспектор кои следат дали и како се спроведува акцијата.