Твитер е под истрага од градските власти во Сан Франциско по жалбата дека компанијата наводно ги претворила канцелариите во своето седиште во спални.
Од понеделникот, канцеларијата има „скромни спални соби со душеци, обични завеси и огромни монитори во конференциската сала“ и четири до осум кревети по кат, изјавија вработените за „Форбс“.
NEW: The BBC has obtained pictures of inside Twitter – rooms that have been converted into bedrooms – for staff to sleep in.
The city of San Francisco is investigating as it’s a commercial building. pic.twitter.com/Y4vKxZXQhB
— James Clayton (@JamesClayton5) December 7, 2022
Измените се чини дека се дел од планот на Маск за „тврдокорниот Твитер“ во кој тој бара од работниците да работат „долги часови со висок интензитет“ откако тој отпушти речиси половина од работната сила во компанијата.
Сепак, „San Francisco Chronicle“ објави дека компанијата не аплицирала за никакви дозволи за користење на делови од зградата за „станбени цели“.
Одделот за градежна инспекција во Сан Франциско потврди за неколку медиуми дека го истражува случајот по добиената жалба и планира да изврши увид во седиштето на компанијата.
-Мораме да се погрижиме зградата да се користи како што е предвидено – изјави портпаролот на одделот, Патрик Ханан за „The Washington Post“.
Според него, постојат различни барања за градежна шифра за станбени згради, вклучувајќи ги и оние што се користат за краткотраен престој. Ова, вели тој, гарантира дека луѓето безбедно го користат просторот.