Студентските протести организирани во Македонија се следат со големо внимание од студентите во Тирана и Студентското Движење “За Универзитетот”. Студентите од Албанија денеска се солидаризираа со македонските студенти, а неколку фотографии на својот фејсбук профил објави аналитичарот Арсим Зеколи.
– Барањата на студентите за автономија на Универзитетот, намалување на давачките за студирање, подобрување на условите на живот и студирање и зголемување на еманципаторската улога на студентите во општеството, се барања на студентите насекадо во регионот и пошироко – се наведува во испратената поддршка.
Студентското движење “За Универзитетот” се солидаризира со барањата на студентите во Македонија. Вашата кауза е наша кауза! Вашата борба е наша борба!
