Илјадници бугарски навивачи протестираа на улиците на Софија поради начинот на управување со Фудбалскиот сојуз на Бугарија, а протестот стана насилен.
Најмалку 12 лица се повредени во судир меѓу бугарски навивачи во Софија и локалната полиција, пренесува бугарски Спортал.
Soccer Football – UEFA Euro 2024 Qualifier – Group G – Bulgaria v Hungary – Vasil Levski National Stadium, Sofia, Bulgaria – November 16, 2023 A man covering his face with a Bulgarian national flag pushes a garbage bin as Bulgaria fans clash with police during a protest against the President of the Bulgarian Football Union Borislav Mihaylov outside the stadium during the match REUTERS/Dimitar Kyosemarliev
Квалификацискиот натпревар меѓу Бугарија и Унгарија за Европското првенство следната година стана „жртва“ на спорот меѓу Фудбалскиот сојуз и навивачите.
Навивачите на неколку минути пред почетокот на натпреварот почнаа да фрлаат пиротехнички средства, камења и пластични шишиња кон полицијата. Бидејќи биле запалени корпи за отпадоци, полицијата одговорила со водени топови.
Медиумите објавија дека неколку демонстранти се повредени.
Soccer Football – UEFA Euro 2024 Qualifier – Group G – Bulgaria v Hungary – Vasil Levski National Stadium, Sofia, Bulgaria – November 16, 2023 Police officers clash with Bulgaria fans protesting against the President of the Bulgarian Football Union Borislav Mihaylov outside the stadium during the match REUTERS/Dimitar Kyosemarliev
„Последната капка“ која ги разлути незадоволните навивачи беше одлуката вечерашниот натпревар да се игра пред празен стадион во Софија опкружен со 1.600 полицајци во опрема за бунт.
Речиси две децении бугарската репрезентација не успеала да се пласира на голем турнир. Навивачите повикаа на национални протести по последните два понижувачки порази од Албанија и Литванија во октомври.
Навивачите во 18. минута од секој првенствен натпревар во изминатите недели извикуваа „Оставка!“ на претседателот на Здружението Борислав Михаилов и неговите помошници кои 18 години се на чело на ФС.
Soccer Football – UEFA Euro 2024 Qualifier – Group G – Bulgaria v Hungary – Vasil Levski National Stadium, Sofia, Bulgaria – November 16, 2023 Police officers use water cannons as the Bulgaria fans protest against the President of the Bulgarian Football Union Borislav Mihaylov outside the stadium during the match REUTERS/Dimitar Kyosemarliev
Плашејќи се од нереди, Михаилов минатата недела побара од Европската фудбалска унија (УЕФА) натпреварот против Унгарија да се игра пред празни трибини.
Навивачите одговорија дека е нечуено бидејќи нема случај во историјата на фудбалот некоја асоцијација да побара да се игра домашен натпревар без навивачи.
Таа одлука предизвика гнев кај бугарските навивачи.