431
Силно невреме за речиси половина час го блокира главниот град. По бурата во Скопје, неколку предели од градот останаа привремено без струја, а поплавени се и неколку улици.
Најкритични се кружниот тек кај хотел „Континентал“, како и подземните премини кај Бутел и булевар „Србија“.
Покрај поплави, од силниот дожд и ветер, откорнати се и неколку дрвја на улиците.
Според Управата за хидрометеоролошки работи (УХМР) локалното нестабилно време на повеќе места ќе продолжи и во вечерните часови. Невремето е поизразено во источните и во западните планински делови.
Фото: Твитер