Рускиот претседател Владимир Путин направи се за да не клекне на колена но не успеа, изјави денеска пред Европскиот парламент претседателката на Европската комисија Урсула фон дер Лајен.
Таа истакна дека од почетокот на војната во Украина, испораките на руски гас во ЕУ преку гасоводи се намалени за 80 отсто. Но, денес европските складишта за гас се полнат и до 95 проценти, истакна претседателката на ЕК.
Успеавме да замениме најголем дел од суспендираните количини, двојно го зголемивме увозот на течен гас од САД. Ја намаливме потрошувачката на гас за 15 отсто, информира Фон дер Лајен. На почетокот на војната се плашевме дека ќе немаме доволно гас, но тоа не само што не се случи, туку веќе сме подготвени за зима. Цените на гасот паднаа за две третини од својот врв во август, додаде таа.