Филипче: За лекарите-антиваксери ќе одлучува Лекарската комора

Изминатиот период на социјалните мрежи се шират многу лажни вести околу вакцините, што влијае врз одлуката на луѓето да се вакцинираат или не.

Министерот за здравство, Венко Филипче ја осуди оваа појава, а став даде и за лекарите кои шират антиваксерска кампања на социјалните мрежи.

„Сакам да порачам дека со ширење на лажните вести се загрозува јавното здравје. Тоа ќе значи сериозно оптеретување на болниците и одвлекување на луѓето да се вакцинираат. Во однос на медицинските лица-антиваксери, за нив ќе одлучува Лекарската комора“, истакна Филипче.