Филипче трчаше на маратонот Охрид ТрчаТ за поддршка на пациентите со ретки болести

Министерот за здравство, Венко Филипче денеска трчаше на маратонот Охрид ТрчаТ, кој по вторпат се одржува во градот.

Како што напиша на неговиот Фејсбук, тој трчал за поддршка на пациентите со ретки болести.

„Охрид денеска е преубав, заедно со граѓаните трчавме за поддршка на пациентите со ретки болести на овогодинешниот Охрид ТрчаТ. Заеднички ја подигнуваме јавната свест и заложба за навремена дијагноза и лекови за лицата со ретки болести. Покажи ја својата реткост, покажи дека се грижиш“, напиша Филипче.