Бројот на инфицирани лица секојдневно е во пораст. Од денеска е во функција и Кол центарот во Здравствениот дом, а од понеделник во поликлиниките „ Јане Сандански“ и во Чаир ќе бидат отворени пунктови за земање брисеви за корона вирус, објасни денеска министерот за здравство Венко Филипче.
-До 12 часот имаме 85 болни, во шест градови, Скопје, Дебар, Гостивар, Штип и Охрид. Едната пациентка е во непроменета состојба, три се со потешка форма на пневмонија, а другите со полесна клиничка слика. Пациентите пуштени во домашни услови се стабилни и во комуникација со лекарите. Стабилна е состојбата и во Дебар. Дополнително таму испративме епидемиолог и педијатар, рече Филипче.
Тој појасни дека направена е координација со матичните лекари кои ќе закажуваат и мој термин, а ако има индикација за тестирање за вирусот ќе бидат испратени на понатамошни тестирања.