Европскиот парламент денеска усвои резолуција за Унгарија во која изрази силна загриженост поради, како што наведува, кршењето на демократијата, владеењето на правото и основните права во Унгарија, особено преку неодамна усвоениот т.н. пакет „заштита на националниот суверенитет“.
345 европратеници гласаа за резолуцијата со која се осудуваат „намерните, континуирани и систематски напори на унгарската влада за поткопување на основните вредности на ЕУ“, додека 104 беа против, а 29 беа воздржани.
Усвоената резолуција, исто така, го критикува премиерот Виктор Орбан за вето на обезбедувањето на ЕУ за поголема финансиска помош за Украина минатиот месец.
Резолуцијата бара нов чекор во процедурата кога станува збор за владеењето на правото во Унгарија, што на крајот може да доведе до суспензија на правото на вето на Унгарија во ЕУ.
Усвоената резолуција на ЕП не е правно обврзувачка, но може да придонесе за зголемен политички притисок врз Орбан пред самитот на ЕУ што ќе се одржи на 1 февруари во Брисел, кога лидерите на земјите-членки повторно ќе се обидат да договорат нова помош за Украина.