ЕУ: Очекуваме брзи резултати

by Фокус

Европската комисија се надева на конкретни резултати во блиска иднина од средбите помеѓу политичките лидери во Македонија, рече денеска пред новинарите во Брисел, портпаролката на комесарот Хан, Марија Коцијанчиќ.

-Комисијата ги поздравува континуираните преговори помеѓу политичките лидери во Македонија, кои се однесуваат на имплементацијата на препораките кои ги претстави ЕК во однос на договорот од 2.јуни, а комесарот Хан веќе ја изразил својата подготвеност да биде медијатор меѓу партиите доколку е неопходно- изјави портпаролката.

Сепак, како што рече Коцијанчиќ, засега нема потврда за следна лидерска средба со комесарот Јоханес Хан.

Вчера, по средбата меѓу Заев, Груевски, Тачи и Ахмети која траеше час и половина владејачката партија ВМРО-ДПМНЕ и опозициската СДСМ испратија идентично соопштение во кое се вели дека лидерите на политичките партии ги продолжиле дискусиите за точната организација на владата што ќе ги подготви изборите, како што е предвидено во шестата точка од договорот од 2-ри јуни, а ќе се сретнат во наредните денови повторно.

Поврзани новости