ЕУ ќе даде 70 милиони евра за изградба на пругата кон Бугарија

Премиерот Зоран Заев во неговото обраќање на состанокот на Самитот за Западен Балкан во Трст, Италија кажа дека е донесена одлуката да се изгради железничката пруга кон Бугарија, како дел од Коридорот 8.

-Железничното поврзување на Република Македонија со Република Бугарија е пример колку ние сериозно гледаме на оваа Агенда за поврзување во регионот. Одлуката веќе ја донесе нашиот меѓународен партнер ЕБОР, за изградбата на железничката пруга Куманово-Деве Баир, како дел од Коридорот 8, на барање на Македонија, рече Заев.

Вкупната инвестиција за железничката пруга е проценета на 152,3 милиони евра, а Европската унија ќе учествува во изградбата со грант од 70 милиони евра, што е речиси половина од трошоците.