Запален мотор предизвика пожар во влез од зграда во Ново Лисиче

Запален мотор паркиран на улицата „Асном“ во скопската населба Ново Лисиче денеска на пладне, предизвика пожар во влез од зграда.

Пожарот е изгаснат навреме и спречено е негово ширење на становите во зградата.

Територијалната противпожарна бригада на Град Скопје интервенирала со три возила и шест пожарникари.

Материјалната штета се уште не е утврдена.