Се степале поради сметката гостите и персоналот во кафана во Македонски Брод

Поради несогласувања околу фискалната сметка завчера настанала тепачка помеѓу гостите и персоналот во еден ресторан во Македонски Брод.

Според полицијата инцидентот се случил во 21 часот во угостителски објект во месноста „Пешна“. Најпрво настанала вербална расправија, а потоа и физичка пресметка.

Двајца гости на возраст од 23 и 25 години се степале со четворица од персоналот на ресторанот.

Настанот бил пријавен во полиција, по што интервенирале полициски службеници.