Се воведува нова зона за паркирање во Скопје, паркингот ќе чини 100 денари за првиот час

Советот на Град Скопје донесе одлука за воведување на А0 зона за паркирање во главниот град која ќе ги опфати паркиралиштата на Кале и на Средно Водно.

Паркирањето во таа зона ќе се наплаќа по 100 денари за првиот час, а секој нареден час по 50 денари, стои во Одлуката за дополнување на Ценовникот на ЈП „Градски паркинг“.

Одлуката е на предлог на скопскиот градоначалник Петре Шилегов, а ќе стапи во сила веднаш по објавувањето.

Досега ЈП „Градски паркинг“ немаше А0 зона, а во А зоните беше дозволено паркирање од најмногу два часа.