Отворена предистражна постапка за делењето предмети на рака во судовите

Скопското јавно обвинителство отвори предистражна постапка во врска со извештајот за злоупотребите со АКМИСОТ што го достави експертската група од министерството за правда, изјави за Сакам да кажам.мк јавниот обвинител на Македонија Љубомир Јовески.

„Во врска со неправилностите во електронската распределба на предметите кај судии што ги воочила групата експерти при министерството за правда,  при извршените контроли во Основниот суд Скопје 1, во Врховниот и во други судови, можам да ви потврдам дека се води предистражна постапка и во оваа фаза таа е тајна“, одговори Јовески.