Јовески: Уверени сме дека обвинетите извршиле терористичко загрозување на уставниот поредок

Јавниот обвинител, Љубомир Јовески, е уверен дека обвинетите за настаните од 27-ми парил се виновни за кривичното дело кое им се става на товар „терористичко загрозување на уставниот поредок и безбедноста“.

-Обвинителството е уверено во оваа правна квалификација и докази со кои располага. Во судската постапка претпоставувам тоа ќе биде оспорувано, но уверен сум дека Обвинителството ќе докаже дека во дејствијата на обвинетите се содржани кривичните дела кои им се ставаат на товар – рече Јовески, на денешната прес конференција на која информираше за поднесеното обвинение.