Две и пол години од судењето „Тортура“ паѓаат во вода, судењето ќе почне од почеток

Две и пол години од судењето за случајот „Тортура“ паѓаат во вода, поточно судењето за овој случај ќе стартува од почеток, бидејќи еден од поротниците си дал отказ, а во судница беше отсутна и судијката Александра Ристеска.

Во судница беше кажано дека судијката не е присутна поради здравствени причини, а засега не е позната причината за повлекување на поротникот.

Поради смената на поротникот постапката мора да почне од почеток, односно одново ќе се чита обвинението, ќе се даваат воведни зборови, ќе се викнат сите сведоци и повторно ќе се изведат сите докази.

Во овој случај за нечовечкото апсење на Љубе Бошкоски во 2011 година обвинети се екс директорот на УБК, Сашо Мијалков и неколкумина вработени во единицата Алфи.

В.В.