Дури 65 предлог-закони се најдоа на денешната седница на Собранието

by Фокус 18:31
18:31

Собранието на Македонија воопшто не ја почитува процедурата за носење закони особено во изминатите неколку денови, реагираат од Македонскиот центар за меѓународна соработка (МЦМС).

-Само  на 64-та  седница на Собранието на Република Македонија одржана на 25 август и продолженијата одржани на 26 и 27 август на дневниот ред се најдоа 65 предлог-закони по скратена постапка од кои само пет се објавени на Единствениот електронски регистар на прописи (ЕНЕР), стои во реакцијата на МЦМС.

- Advertisements -

Од Центарот велат дека за ниту еден од објавените закони не е испочитуван минималниот рок од десет дена за консултации со јавноста.

Собранието на Република Македонија денеска во рамки на 64 седница без расправа ги донесе измените и дополнувањата на Законот за личната карта, дополнувањето на Законот за личното име, измените и дополнувањата на Законот за патните исправи на државјаните на Република Македонија и на Законот за спречување на насилството и недостојното однесување на спортските натпревари, сите по скратена постапка.

Поврзани новости