Дуковски за снимката која се слушаше зад затворена врата на “Рекет”: Доказната вредност на снимката е нула!

by fokus 18:25
18:25

По завршувањето на денешното рочиште за случајот “Рекет”, на кое јавноста не можеше да присуствува, бидејќи се емитуваше снимка на која имало и приватни разговори, адвокатот на Бојан Јовановски, Сашо Дуковски, истакна дека снимката немала никаква доказна вредност.

-Ние сметаме дека доказната вредност на ова е нула. Повторувам, ова е нула. Ниту има кој со кого разговара, некакви разговори, а најбитно од се е што нема никаква приватност, а не дај боже некаква заштита на приватноста… Ако на ова се заснова обвинението и ако со ова се докажува обвинение и ако половина снимка е наводно покажување на обвинителот, ние тоа не го знаеме, половина снимка од да речеме вкупно два ипол часа, со некое лице кое ниту е во диспозитивот на обвинението, ниту има врска со овој предмет.

По начинот како се изведуваат овие докази, јас не би бил зачуден и некое лице што поминува на улица да биде викнато и да се утврдува фактичка состојба. Да резимирам, навистина не беше потребно вие да бидете отстранети, вели Дуковски.

- Advertising -

За обвинувањето на Јовановски дека физички бил нападнат од затворската полиција, Дуковски вели дека станува збор за мал инцидент.

-Се работи за човек кој има навистина сериозно нарушено здравје. Се наоѓа во притвор скоро седум месеци. Се работи за недоразбирање, една нервозна акција. Сметам дека тоа е разрешено и морам да кажам дека затворската управа екстремно коректно се однесувала до сега во секој момент во однос на обвинетиот Бојан Јовановски. Имало некаков мал инцидент, но тоа е резултат на недоразбирање кое е решено, вели Дуковски.

Претходно директорит на затворот Есад Рахиќ за “Фокус” појасни дека Јовановски бил нервозен и не дозволувал да му стават лисици на рацете.

Поврзани новости