ДУИ и СДСМ имаат договор да ја водат државата, тврди Груби

Вицепремиерот Артан Груби, во гостувањето на ТВ Алсат зборуваше на иднината на Владата и порача дека ДУИ и СДСМ имаат договор да ја водат државата четири години.

„Локалните избори не се поврзани со централната власт, а владејачкото мнозинство е стабилно. Направени се многу чекори да се води земјата напред, а Зоран Заев бил клучниот човек што ја унапредил европската перспектива на Македонија“, порача Груби, додавајќи дека Алтернатива е добредојдена во власта.