Дополнителни 5,2 милиони евра за чистење на снегот

Над 5,2 милиони евра дополнително ќе бидат потрошени за ангажирање приватни фирми за справување со снегот, јави 24 Вести.

Сумата треба да го покрие ангажирањето на механизација, како и набавката на индустриска сол и ризла. Најмногу ќе чини чистењето на регионалните и магистралните патишта за што ЈП Македонија пат ќе потроши 3 милиони евра. Останатите околу 2,2 милиони евра се за чистење на улиците на Градот Скопје и општините.

Претходно, „Македонија пат” склучи договор со уште три приватни фирми за чистење на снегот во износ од 1,5 милиони евра.

И покрај милионските суми потрошени за чистење на снегот, голем дел од улиците и патиштата се едвај проодни, а десетици села со денови се отсечени од светот.