Доделени се европските Оскари – „Анатомија на падот“ прогласен за најдобар европски филм

Во Берлин беа доделени 36. Европски филмски награди, а титулата најдобар европски филм за 2023 година ја доби „Анатомија на падот“ на Жастин Трир.

Овој француски режисер ја доби и наградата за најдобра режија.

Заедно со францускиот режисер Артур Арари, Трир ја доби и наградата за најдобро сценарио за филмот „Анатомија на падот“, кој е и годинашен добитник на „Златна палма“.

Германката Сандра Хилер ја доби наградата за најдобра актерка за нејзината изведба во споменатиот филм, додека Данецот Мадс Микелсен е прогласен за најдобар европски актер за улогата во продукцијата на „Ветената земја“.

Наградата за животно дело и беше доделена на познатата актерка Ванеса Редгрејв.