Украинскиот претседател Володимир Зеленски ги надмина сите ѕвезди на 75. Кански филмски фестивал, откако се обрати на актери и режисери на отворањето вечерва упатувајќи емотивна молба во име на неговата земја разурната од војна. Појавувајќи се преку видео-врска, Зеленски ги натера посетителите на фестивалот да го слушаат внимателно.
„Продолжуваме да се бориме“, рече Зеленски. „Немаме друг избор освен да продолжиме да се бориме за нашата слобода“.
Обраќањето на Зеленски дојдоа непосредно пред премиерата на „Final Cut“, откачена зомби комедија која изгледа далеку од бруталноста прикажана во Украина по илегалната инвазија на Русија. Но, дури и кога Кан се врати во гламурозна форма по две години глобална пандемија, крикот на Зеленски беше како потсетник за политичките превирања што сè уште го обземаат светот.
„Сигурен сум дека диктаторот ќе игуби“, рече Зеленски, осврнувајќи се на Владимир Путин.
„Ние ќе победиме во оваа војна“, додаде тој. „Слава на Украина“.
Војната во Украина се наѕира на годинешниот Кан. Меѓу нив „Природната историја на уништувањето“, последниот документарен филм на украинскиот режисер Сергеј Лозница. Фестивалот беше отворен со проекција на филмот за зомби „Final Cut“ во режија на Мишел Хазанавичиус, последниот филм на литванскиот режисер Мантас Кведаравичиус, што режисерот го снимаше во градот Мариупол кога беше убиен на почетокот на април.
Во контекст на војната во Украина, организаторите на фестивалот решија да им ги ускратат акредитациите на сите руски филмаџии, но и на новинарите кои на кој било начин се поврзани со руската влада. Но, подоцна некои новинари добија акредитации, не наведувајќи кои.
Гостите на отварањето ги вклучи членовите на жирито во Кан, Дипика Падуконе, Ребека Хол, Асгар Фархади, Тринка, Лаџи Ли, Нуми Рапас, Џеф Николс и Јоаким Трир.
Присуствуваа и неколку други моќни ѕвезди, вклучувајќи ги Џулијан Мур, Ева Лонгорија, извршниот директор на Академијата за филмски уметности и науки, Даун Хадсон, и ѕвездата на „Американска криминална приказна: Версаче“, Едгар Рамирез.
Почесната златна палма за животно дело ќе ја прими Форест Витакер. Неговата продуцентска куќа ќе го прикаже „За доброто на мирот“, документарен филм за војната во Јужен Судан.
Зеленски, кој стана познат како актер во една украинска ТВ-шоу „Слуга на народот“, играјќи, во дел од животот имитирајќи уметност, украински претседател, ја разбира моќта на медиумите. Тој, исто така, ја шири својата порака додека се појавува на јавни настани како што се Греми наградите во април.
На Греми, Зеленски им рече на гостите дека украинските уметници „носат панцир наместо смокинг. Тие им пеат на ранетите во болниците, дури и на оние кои не можат да ги слушнат. Но, музиката сепак ќе се пробие“. (Варајати)