ДИК: Не е возможно да има кредибилни избори на 24 април

На 24 ти април технички може да се одржат избори но не може до тогаш да се спроведе проверка на избирачкиот список кој ќе донесе доверба во процесот е ставот на Државната изборна комисија.

Овој став бил презентиран денеска на итната средба што ја свика белгискиот олеснувач Питер Ванхауте, јавува ТВ 24.

Тој за медиумите изјавил дека средбата поминала во тензична атмосфера. Претставниците на државната изборна комисија не сакале да дадат коментар пред новинарите кои чекале пред Клубот на пратеници, само претседателот на ДИК Александар Чичаковски им поделил писмено соопштение во кое е наведено дека е потребно подолг период за проверка на избирачкиот список од зададените рокови.