ДИК ќе го повлече Избирачкиот список од јавен увид

Државната изборна комисија на вечернашната седница одлучи да го прифати барањето на Дирекцијата за заштита на лични податоци да ги повлече од јавен увид на интернет Избирачкиот список со вкупниот број гласачи како и Списокот на неконзистентни записи – предмет на теренски проверки кој  опфаќа 89.000 спорни гласачи.

Сепак, за повлекувањето на Избирачкиот список донесена е одлука да се поднесе тужба пред Управниот суд со образложение дека повлекувањето на Избирачкиот список е во спротивност на Изборниот законик.