Осумгодишно девојче почина во Колумбија откако стоматолог и го извадил забот. Азусена Тријана изјави за локалниот весник дека нејзината ќерка близначка, Салома Бохоркез, се пожалила на болки и била лекувана на 4 август.
Вознемирената мајка кажала и дека пред интервенцијата, стоматологот побарал рендген. Веднаш потоа докторот и го извадил забот.
Тријана рече дека нејзината ќерка веднаш почнала обилно да крвари по вадењето на забите и докторот понудил да ги однесе во болницата Сан Хуан де Диос.
– Салома сè уште беше жива. Жива влезе во болница. Ништо не можеа… Се задуши од сопствената крв – вели очајната мајка.
Тријана откри дека на девојчето претходно и била дијагностицирана анемија и закрепнала по серијата третмани што и ги препишал нејзиниот педијатар.
Семејството соопшти дека смртта на детето тешко го погодила нејзиниот брат близнак Николас.
Тие го опишаа девојчето како дете кое сакаше да пее и да создава содржини на TikTok.
– Таа ни подари осум години среќа. Беше забава во нашиот дом – изјави нејзината постара сестра Марија Бохоркез.
Тријана не го обвинува докторот за смртта на нејзината ќерка.
– Нема да го обвинуваме докторот. Прво, да почекаме што ќе покаже обдукцијата – рекла мајката.