Денеска опозициска „бомба“ за изборен грабеж во Шуто Оризари

Самка Ибраимовски, претседател на ПЦЕР за денеска во 11.30 има најавено голем собир на Ромите пред зградата на Владата каде ќе бидат објавени аудио снимки од прислушуваните разговори.

Најавено е дека ќе се обелоденат снимки на кои се слуша како се местеле изборите во Шуто Оризари, како се уценувале гласачите, како се купувале нивните гласови и како власта им се одмаздувала на тие што се противеле.

Пред Владата има голем број на демонстранти од ромската популација и се очекува објавување на материјалите. Од ПЦЕР повикаа да им се приклучат сите граѓани.