Денеска гласаат затворениците, болните и раселените

Точно во седум часот утринава почна гласањето на болните и немоќни лица, раселените како и затворениците.

1.640 лица е бројот на оние во казнено – поправните домови и оние кои се во домашен притвор кои ќе може да гласаат за иден шеф на државата.

За наследник на Ѓорге Иванов денеска ќе гласаат и 4.540 немоќни и болни кои го побарале тоа од општинските изборни комисии.

На овие претседателски избори вкупно право на глас имаат 1.808.131 граѓанин.