Демонстрантите повторно ги обоија Министерството за правда и канцеларијата на Иванов

Откако изминативе деновиве Министерството за правда и Народната канцеларија на претседателот Иванов беа поштедени од „Шарената револуција“, овие два објекти денеска повторно добија балони со боја. Апсењата и повикувањата на разговор во полиција не ги заплашија демонстрантите и тие не се повлекуваат од своите барања.

Тие во овие моменти се пред канцеларијата на Иванов каде извикуваат „Оставка“ и пеат „Затвор не ти бега, Никола“. Исто така, се палат и слики од претседателот Иванов.