Демонстрантите дојдоа пред зградата во која живее Никола Груевски

Демонстрантите беа спречени од кордон полиција да стасаат до МВР.

Тие денеска низ центарот на Скопје со пароли „Оставка“,„Убијци“, бараат- Правда за Мартин. Порачаа дека Македонија мора да стане земја во која ќе има правда за сите.

Толпата беше и пред зградата во која живее премиерот Груевски и го повикуваше да излезе надвор.

Меѓу демонстрантите е и лидерот на СДСМ, Зоран Заев.

Поворката ја предводи братот на Мартин, Александар Нешковски и неговата мајка.

„Целата ситуација затаи од врвот на власта, затоа и беа поднесени тие тужби вчера, по 4 години, и нередите кои се случија на протестите на 5. мај се последица на нефункционалноста на институциите“, рече Александар Нешковски.

фото Радио Моф