Дали Груевски му се извинил на Џафери?

Во рамки на една тензична собраниска седница, дојде до конфликт меѓу тогашниот пратеник на ВМРО-ДПМНЕ Никола Груевски и спикерот Талат Џафери, при што Груевски му истури вода на Џафери.

За ова, како што рече вчера актуелниот лидер на ВМРО-ДПМНЕ Христијан Мицкоски, Груевски му се извинил на Џафери преку курирот преку кој, според него, го пратил УСБ стикот со измените на Кривичниот законик.

-Џафери рекол – добро, не е проблем, не ме истури со киселина, со вода ме истури – изјави Мицкоски на ТВ 21, додавајќи дека очекува Џафери да каже дека не е точно.

Телевизијата побарала став од кабинетот на Џафери, кој, како што рекле, не коментира изјави кои се дадени во емисии.

Претходно, Џафери негираше дека добил УСБ како што тврди Мицкоски.