Дачиќ: Мора да се зачува стабилноста на Македонија

Српскиот министер за надворешни работи Ивица Дачиќ денеска во Охрид изјави дека многу е важно да се задржи стабилноста во Македонија, бидејќи тоа е значајно и за стабилноста на целиот регион.

– Ги поддржуваме сите напори кои ги прави ЕУ за ситуацијата што е можно побрзо да се стави во политички рамки и осудуваме секаков облик за безбедносно загрозување на Македонија, секој облик на насилство и тероризам – рече Дачиќ.