Се уште се анализираат снимките од кафеаната на „Боемска“, рече министерот за внатрешни работи Наќе Чулев, на денешаната прес конференција.
Пред неколку дена во оваа кафеана лидерот на ВМРО-ДПМНЕ, Христијан Мицкоски, седеше во затворен дел, спротивно на протоколите.
„До секторот за компјутерски криминал и дигитална форензика стигнат е дивиарот заедно со дискот и во моментов се врши анализа. Како што бев информиран во најкраток период ќе се излезе со вештачењето, со анализа на видео материјалот, и јавноста ќе биде информирана јавноста“, рече Чулев.
Тој додаде дека од снимките ќе се утврди дали има одговорност и за други лица, освен за кафеаната.
Мицкоски во кафеаната бил со поранешниот директор на УБК, Љупчо Андоновски.
Министерот, пак, вели без разлика на тоа, ако треба ќе има одговорност.
-Без разлика дали е функционер, припадник на МВР или политичар ќе се преземат мерки и ако има основ ќе се поднесат соодветни пријави, рече Чулев.