Четворица работници паднале од скеле, еден има скршен р’бет

Полицијата денеска соопшти дека вчера четворица работници паднале од градежно скеле откако се откачила една од жабките на скелето, дел од опремата на градежната компанија којашто ги најмила „Синтек Инжинеринг“ од Скопје.

Работниците биле на скеле во реонот на клучката кај Миладиновци. Еден од работниците има скршен р’бет и рани на главата и лицето, додека тројца имаат набиеници и рани по телото и главата. Еден од работниците е пуштен на домашно лекување.