Четири канадери од Италија и Франција ќе ги гасат пожарите во Грција

Преку механизмот на Европската Унија за цивилна заштита и по барање од Грција за справување со пожарите, во земјата ќе бидат испратени два канадери од Франција и два од Италија, соопшти ЕУ комесарот за цивилна заштита Јанез Ленарчич, јави МИА од Атина.

Ленарчич на Твитер напиша дека по барањето од Грција за помош за справување со шумските пожари во регионот на Атика, мобилизирани се два канадери од цивилната заштита на ЕУ во Франција и два канадери од флота „RescEU“ во Италија,„кои се очекува да пристигнат уште денеска“.

Паралелно додаде дека веќе помагаат пожарникарите од Романија кои во Грција пристигнаа пред почетокот на сезоната на пожари.