„Чернобил“ освои „Еми“ за најдобра мини серија

На свеченото 71. доделување на „Еми” наградите синоќа во Лос Анџелес, за најдобра драма е прогласена ТВ серијата „Игра на престолите”.

Наградата во категоријата комедија пак, ја освои серијата „Fleabag” (Флибег). Најдобар глумец во комедија е Бил Хедер („Бери“), а најдобра глумица – Фиби Волер-Бриџ („Флибег“).

За најдобар глумец во жанрот драма, прогласен е Били Портер („Поза“), а за најдобра глумица – Џоди Комер.

„Чернобил“ освои десет награди и беше прогласена за најдобра минисерија.