Семејство од Селце по телефон добило наредба да гласа за Захариев

Јавниот обвинител ќе ја испита пријавата во штипската полициска станица за притисок врз гласачи во пресрет на вториот круг од локалните избори во оваа општина. Како што информираат од Министерството за внатрешни работи притисокот се вршел во корист на кандидатот за градоначалник на ВМРО-ДПМНЕ, Илчо Захариев.

Е.Т. вчера пријавила во полициската станица дека ден претходно на телефон и се јавило лицето Ј.С. од Штип и и рекол дека нивното семејство во с.Селце треба да гласа за кандидатот за градоначалник на Штип од неговата политичка партија, велат од МВР.