Бугарско МНР: Поканата за Македонија ја потврдува политиката на отворени врати на НАТО

Бугарското министерство за надворешни работи предводено од Екатерина Захариева ја поздрави одлуката од Самитот на НАТО да отпочне разговори со Република Македонија за приклучување кон Алијансата.

„Ќе продолжиме да ја даваме неопходната поддршка во духот на нашиот Договор за пријателство, добрососедство и соработка, што го потпишавме во 2017 година. Постигнатиот напредок го гледаме и како успех на нашата активна политика за европска и евроатлантска иднина на целиот регион – успешно реализиран приоритет во рамките на штотуку завршеното бугарско претседателство со Советот на ЕУ“, соопшти бугарското МНР.