Зоран Заев е најдобриот претседател што го имал СДСМ во изминативе 30 години, вели во изјава за неделникот Фокус поранешниот лидер на СДСМ и премиер Владо Бучковски.
-Заев е најзаслужен за враќањето на СДСМ на власт, по 10 тешки опозициски години. Тој е најзаслужен за влезот на Северна Македонија во НАТО. Тајната на неговиот успех е неговиот карактер и неговата „несовршеност“, но, пред се, неговата храброст – изјави Бучковски.
Тој смета дека има 3 етапи од развојот на СДСМ, при што првиот е поврзан со Бранко Црвенковски, вториот со него и Радмила Шеќеринска и третиот со Заев.
-На СДСМ му треба проевропски лидер, затоа што тој ќе ги започне преговорите за членство во ЕУ. Му треба лидер, кој ќе продолжи со реформите во СДСМ, со демократизација на партијата и јакнење на неопосредната демократија – вели Бучковски.
Коментирајќи ги изминативе локални избори, Бучковски вели дека Црвенковски потсетил на неговите, како што вели, византиски игри од 2006 година.
– Со својот настап во МАНУ, на денот кога започна кампањата за локалните избори, не ни криеше дека е против Заев и неговата Влада. Се друго е веќе видено. Поддршка на терен на независните кандидати и листи во Куманово, Охрид, Дебарца – рече тој.
Целиот текст прочитајте го во новиот број на неделникот кој можете да го купите и во електронска форма на овој линк.
В.С.