Бројни инциденти и судири со полицијата на референдумот за независност на Каталонија

Полицијата спречува илјадници Каталонци да се доближат до местата за гласање и одземаат материјали подготвени за гласање.

Шпанската цивилна гарда влета на гласачкото место неколку минути пред каталонскиот лидер Карлес Пуџемон да гласа за референдумот за независност.

ТВ снимките покажуваат како полицијата со секира ја крши вратата и со цела опрема минува низ избирачкото место, очигледно барајќи гласачки кутии, додека гласачите со раце во тупаници ја пеат каталонската химна.