Британскиот парламент изгласа одложување на Брегзит

Со убедливо мнозинство британскиот парламент изгласа одлука да се одложи излегувањето на Велика Британија од Европската унија до 12 април или 22 мај.

За одложување на Брегзитот гласаа 441 пратеници, а против 105.

Инаку, британската премиерка Тереза Меј денеска им порача на пратениците од нејзината Конзервативна партија во Долниот дом на Парламентот во Лондон дека ќе се повлече од функцијата откако ќе се финализира договорот за Брегзит.

Британскиот парламент до сега два пати го отфрли договорот за Брегзит кој Тереза Меј го постигна со Брисел.