Британија воведе нови рестриктивни мерки: Работа од дома и порано затворање на рестораните

by fokus 19:17
19:17

Британскиот премиер Борис Џонсон денеска ги објави мерките за спречување на ширењето на вториот бран на епидемијата со Ковид-19, што би можеле да бидат во сила следните шест месеци, а вклучува и охрабрување на работа од дома и порано затворање на пабовите и рестораните.

– Го задржуваме правото на употреба на поостри мерки, со значително поголеми ограничувања. Построгите мерки ќе можеме да ги избегнеме само ако овие мерки дадат резултати и ако го смениме своето однесување, истакна Џонсон во Парламентот по состанокот со своите министри и лидерите на регионалните влади на Обединетото Кралство.

- Advertising -

Мерките, што в четврток ќе стапат во сила предвидуваат пабовите, баровите и рестораните да се затворат во 22 часот, да продолжат луѓето, кои можат, да работат од дома, заштитните маски ќе бидат задолжителни на повеќе места отколку досега.

Додека училиштата и Универзитетите ќе продолжат со работа.

Новите мерки се воведени откако владините советници изјавија дека дневиот број на новозаразени до средината на октомври би можел да се искачи на 50.000 лица.

Поврзани новости