На прославата по повод својот 59-ти роденден на 18-ти декември, холивудскиот заводник ја поканил и убавата Инес де Рамон која му го заробила срцето.
Тие двајца се фотографирани на прослава што беше одржана во еден ресторан во Холивуд, а судејќи според кадрите, делува како парот да ужива во заедничките моменти. Бред и Инес не воделе сметка за папараците, па цело време насмеани и кокетирале еден со друг.
Гласините за нивната наводна врска првпат се појавија минатиот месец, кога беа видени како се држат за рака на концертот на Боно во Лос Анџелес. Тогаш беа во друштво на Синди Крафорд, Ранде Гербер и Шон Пен – најдобрите пријатели на Бред Пит.
Холивудскиот актер и дизајнерката на накит се вљубиле на прв поглед, а нивната љубов пламнала оваа пролет, откако Инес се развела од актерот Пол Весли.
– Бред и Инес се многу вљубени еден во друг; никогаш не сме го виделе олку среќен. Новата девојка ја запозна со пријателите, па се чини дека ова е многу посериозно отколку што изгледаше – рекол изворот за американските медиуми.