Македонскиот ракометен голман, Борко Ристовски, преку социјалните мрежи се заблагодари за можноста да биде дел од од стратешкиот тим на опозицијата.
„Чест, задоволство но и огромна обврска е да се биде дел од стратешкиот тим на претседателот Христијан Мицкоски и ВМРО-ДПМНЕ. Од моја страна, можам единствено да ветам максимална ангажираност и посветеност во креирање на политики за афирмација на македонскиот спорт. Во периодот што следи ќе понудиме низа проекти и програми за подобрување на условите за работа на спортските федерации, клубовите, спортските работници и се разбира спортистите, пренесени од позитивните пракси од европските земји. Нека спортот биде еден од главните столбови на кој ке го градиме нашето општество и да пробаме да ја направиме Македонија поубаво место за живеење. Да живее Република Македонија“, истакна Ристовски.