Бомбашите кои хрватската полиција ги уапси вчера бомбите ги правеле преку „дарк веб“ и со закани се обидувале да изнудат милиони. Едното лице е државјанин на Германија, а другото е државјанин на Германија и Хрватска. Двајцата биле тајно во Хрватска, се вели во соопштението од Министерњството за внатрешни работи на Хрватска.
Слични или исти кривични дела извршиле на територијата на Германија.
„Веднаш по првиот настан пристапивме кон случајот. Првиот настан укажа дека сторителите може да имаат врски со странство и дека користеле методи и платформи кои дотогаш не биле користени во Хрватска. Заклучивме дека имаат врски со Хрватска. Случајот е сложен и начинот на кој се сторени делата.Истражувањето се одвиваше во повеќе правци.Покрај конкретни методи користевме и класични методи на полициско работење.Тоа одеше во сите правци. Утврдено е дека сторителите покажуваат одреден степен на упорност и криминална волја, а мотивот им бил чисто материјална корист, претпоставувавме дека ќе продолжи. Истражувањето беше координирано со жупанско државно обвинителство во Риека и тие ја координираа работата на сите вклучени во истрагата“, соопшти МВР.
Сторителите користеле високотехнолошки знаења не само за извршување на кривичното дело туку и за прикривање на кривичното дело.
„Тие физички престојувале во Хрватска и поставиле експлозивни направи и затоа веруваме дека се поврзани со некој од Хрватска.Тие можеа да направат такви уреди само ако имаат знаење. Тие не користеа конвенционални средства. По траги кои беа пронајдени на местото на настанот – почнавме детална анализа, проценки на закани, прикривање на полициските акции, односно им поставивме заседа. Викендов имавме одлична проценка и ги уапсивме веднаш откако поставија бомба во близина на трговскиот центар, додека друга бомба беше пронајдена во непосредна близина. Порано инсталираа еден и го активираа со задоцнето дејство“, соопшти хрватската полиција. .
Според податоци од истрагата тие од април до сега извршиле тешки кривични дела изнуда, недозволено држење и изработување оружје. Еден од сторителите имал фалсификувана исправа за престој во Хрватска.
„Мотивот е чисто материјална добивка. Со закани се обиделе да изнудат милионски суми. Морам да ги пофалам сите што учествуваа во оваа акција. Покажавме дека хрватската полиција е подготвена да се справи со ваквите предизвици. Продолжуваме со координацијата со полицијата и криминалистичката истрага“, велат од полицијата.
Првото кривично дело е направено во Опатија. Барале голема сума пари во криптовалута, неколку милиони евра.
„Не успеале да го направат делото, но успеале да постават бомби пред трговските центри. Во никој случај наши граѓани не беа загрозени.Преземавме дејствија за спречување на заканата“, додаваат од полицијата.
Тие се обиделе да изнудат пари од две компании со кои полицијата соработувала.
„Според нашите сознанија, станува збор за двајца од нив, иако не исклучуваме поврзаност со други лица. Едниот има 52 години, а другиот 33 години. Првиот пат беше поставена бомба која не беше активирана , вториот пат е активирана далечинска бомба, а во третиот случај имале три бомби. Тие намери биле многу опасни. Според нашите сознанија, бомбите кои дополнително биле пронајдени било планирано да се постават во Кострена“, опишуваат од полицијата, и додаваат дека бомбашите се државјани на ЕУ, па можеле легално да влезат во Хрватска.