Битолчани во сабота повторно ќе излезат на протест

by Фокус 11:00
11:00

Во сабота, битолчани најавија дека по втор пат ќе излезат на протест, на кој ќе го изразат своето, како што велат, крајно незадоволство и револт кон локалната и центарлната власт, поради нивниот игнорантски однос за загадениот воздух.

Најавено е дека протестот ќе започне во 11.30 часот, кај споменикот Стив Наумов, во Битола.

-Организаторите на протестот, здружението “За нас се работи”, остануваат децидни со своите барања кои вклучуваат поправка и замена на мерната станица Битола2 во центарот на градот, изработка на регистар на загадувачи и нивно фактичко обврзување да ги имплементираат еколошките стандарди. Крајната цел е доведување на квалитетот на амбиенталниот воздух во Битола во границата на дозволените стандарди“, се вели во повикот за протест.

- Advertising -

Отаму додаваат дека, овој пат, организаторите инсистираат на прецизни рокови за исполнување на нивните барања и формално обврзување на институциите дека ќе постапат по барањата, заедно со прецизен план што конкретно ќе биде преземено за итно подобрување на квалитетот на амбиенталниот воздух во Битола.

-Мерењата покажуваат дека концентрацијата на ПМ честички на метар кубен во Битола во континуитет е повеќекратно зголемена над законски дозволеното  (50 микрограми на м3) и се смета за главен причинител што Битола е меѓу водечките места по краценогени заболувања во државата, велат организаторите на протестот.

Тие потсетуваат дека на претходниот собир своето незадоволство го изразиле околу 3.500 граѓани.

Поврзани новости