Во Словенија и понатаму има активни пожари, а Хрватска испрати канадер и хеликоптер во помош на словенечките пожарникари.

Во гаснењето веќе четврти ден учествуваат и противпожарни авиони, но и пожарникарите се на терен, објави „Индекс.хр“.

Според првите информации, најмалку 10 села се евакуирани поради пожарот.

На Фејсбук страницата Пожарникари 112 беа објавени фотографии од измачени пожарникари кои вложуваат натчовечки напори во борбата со огнената стихија.