Бејли: Решението на кризата е во Договорот од Пржино

Решението за политичката криза лежи во спроведувањето на Договорот од Пржино, порача амбасадорот на САД Џес Бејли.

– Се среќаваме со партиите и разговараме за многу теми. Работиме за реализација на Договорот од Пржино, кој ги даде насоките за утврдување на одговорност, имајќи го предвид прислушувањето и сериозните тврдења што произлегоа од него. Се надеваме дека ќе следат реформи и кредибилни избори и дека луѓето ќе учествуваат во овој процес – изјави Бејли.