Барањата за одземање на имунитетот пристигнаа во Собрание

Пликоата со барања од надлежните органи за симнување имунитет на пратеници се стигнати во парламентот, но се чека претседателот на Собранието Талат Џафери да ги отвори, дознава САКАМДАКАЖАМ.МК од собраниските служби. Џафери вчера и денеска е во посета на Шведска.

Во денешната акција на полицијата по наредба на обвинителството, меѓу 36-мината приведени и повикани на распит во Кривичниот суд поради основани сомненија за тероризам на 27 април, има и пратеници. На распит во Судот утринава беше донесен Крсто Мукоски, a приведена беше и Жаклина Пешевска. Со истрагата се опфатени уште тројца пратеници.